Accessibility links

Кайнар хәбәр

Казанда милли активистлар мәхкәмә алдына басты

Казанның Вахитов районы мәхкәмәсендә җомга көнне рөхсәтсез урам җыеннары уздыруда гаепләнгән дүрт кешенең өчесенең - Фәүзия Бәйрәмова, Рәфис Кашапов, Рөстәм Сафин эшләре каралды. Наил Нәбиуллин үз эшен башка көнне карауны сораган. 2 августта “Болгар” кунакханәсендә планлаштырылган матбугат очрашуы урамда уздырылу сәбәпле анда катнашучыларның кайберләре мәхкәмәгә чакыру алган иде. Русиядә урам җыеннары канунсыз оештырылган дип табылган очракта җәза куллану, шул исәптән акча түләтү дә шактый кырысланды. Рөстәм Сафин 20 мең сум штрафка хөкем ителде. Фәүзия Бәйрәмованың хәле начараеп китү, Рәфис Кашапов тәрҗемәче таләп итү сәбәпле аларның эшләрен карау кичектерелде.

XS
SM
MD
LG