Accessibility links

Кайнар хәбәр

“Латифа” студиясе башкорт төркемен ачты


"Латифа" студиясенә йөрүче балаларның рәсемнәре елына өч тапкыр күргәзмәләргә куела
"Латифа" студиясенә йөрүче балаларның рәсемнәре елына өч тапкыр күргәзмәләргә куела

Ата-аналар Уфаның сәнгать студиясендә башкорт төркеме ачуга иреште. Укыту бушлай.

Яңа уку елыннан башкорт теле республика мәктәпләрендә мәҗбүри фәннәр исемлегеннән чыгарылганда, ата-аналар хосусый студиягә башкорт төркемен ачуны сорап мөрәҗәгать итте.

Уфада өч ел элек эшли башлаган “Латифа” балалар сәнгать студиясе быел беренче тапкыр 1-3 яшьлек балалар өчен аерым башкорт төркемен ачты.

“Социаль челтәрдән һәм дуслардан ишетеп студиягә башкорт төркеменә кызымны алып килдем. Балаларның табигатьтән бирелгән сәләтләрен вакытында ачу һәм үстерү мөһим”, дип сөйләде Азатлыкка бер яшен әле генә тутырган Алсынның әнисе Сәрия Сәлманова.

“Латифа” студиясендә 4-15 яшьлек балалар рәсем сәнгатенә өйрәнә. Мәктәпкә нигез салучы Эльза Котлыбаеваның моның өчен үз методикасы бар. Балалар рәсем ясарга укытучының һәр хәрәкәтен кабатлап өйрәнә.

“Бала чактан мин гел ниндидер серле, гамәлдә булмаган әйберләрне булдырырга омтылдым. Әмма минем зиһенем, сәләтем үземдә булган хис-тойгыларны әйтеп бирергә җитәрлек булмады. Мине чорнап алган хыяллар күп булды. Күрәсең, мин рәсем ясау сәләтенә мохтаҗ булганмын, миңа белем җитмәгән. Миңа ул вакытта шул белемне биргән булсалар, бәлки бүгенге көнгә кадәр ярыйсы гына хыялларымны тормышка ашырыр идем”, дип ачып җибәрә студиянең интернеттагы сәхифәсен Эльза Котлыбаева.

1-3 яшьлек балалар өчен дәресләр бушлай бирелә.

XS
SM
MD
LG