Кадыров туган көненә Грозныйга тагын йолдызлар җыелды

Чечня башлыгы Рамзан Кадыровның туган көненә багышлап Грозныйда кыйбатлы концерт узды. Быел да анда дөнья кино һәм музыка йолдызлары катнашты. Төрле чыганаклар кунакларның төрле исемлеген китерә. Кадыровны француз актеры Жерар Депардье шәхсән котлаган.

Былтыр шундый ук концерттан соң халыкара һәм Русия кеше хокукларын яклау төркемнәре хокук бозуларда гаепләнүче Чечня башлыгы Кадыровны яклаган өчен йолдызларны хөкем итеп чыккач җәнҗал купкан иде.