Казан Универсиадасы язын Страссбургта тәкъдим ителәчәк

Киләсе язда Страссбургтагы Европа сараенда Казанда үтәчәк җәйге Универсиаданы тәкъдим итү чарасы оештырыла.

Татарстан дәүләт шурасы рәисе Фәрит Мөхәммәтшин Европа Шурасының Җирле һәм төбәк хакимиятләре Конгрессы бюросы утырышында шул турыда тәкъдим белән чыккач ул хуплап кабул ителде һәм 2013 елның мартына билгеләнде.

Мөхәммәтшин октябрь аенда Конгрессның актуаль мәсьәләләр комитеты рәисе итеп сайланган иде.