Әрмән фотографы Сурен Манвелян (36) күзләр төшерү белән шөгыльләнә. Ләкин ул төшергән сурәтләрдә күзләр түгел, ә ниндидер гаҗәеп таулар, упкыннар, пәрәвезләр, башка дөнья манзаралары диярсең.
Сурен Манвелян күзләренә кереп югалырга була.
“Безгә гомеребездә меңнәрчә күзләр күрергә туры килә, ләкин без аларның төзелеше турында уйланып та карамыйбыз, – дип сөйләде Сурен Азатлыкка. – Ә бу бит искитмәле матурлык. Алар башка планета манзараларын, андагы кратерлар, елгалар, үзәнлекләрне хәтерләтә. Әйтерсең, башка дөнья. Күзләрне фотога төшергәндә мин үземне галәмдә сәяхәт иткәндәй хис итәм.”
Теоретик физика өлкәсендә доктор дәрәҗәсенә ия Сурен Манвелян үзенең фотога төшерү техникасы серләрен ачмый. “Күзләр – күңел капкасы, аларны һәр фотограф төшерергә тырыша, мин шуларның берсе, фәкать төшерүнең кызыклы юлын эзләп таптым” ди ул.
Сурен хайваннар күзләрен дә төшерә, ләкин аларны төшерү бераз авыррак, ди ул. “Кирәкле мизгелне эләктерер өчен кайвакыт бер сәгатьләп көтәргә кирәк, – ди ул, – алай да, студиядә төшергән вакытта берсенә дә (хайваннарга да, кешеләргә дә) бер зыян да килмәде.”
Киләчәккә планнарга килгәндә, Сурен күзләр төшерүдән туктарга җыенмый, шулай да, алга таба “бераз җиргәрәк төшеп”, туй сурәтләрен төшерә башларга тели.
Сурен Манвелян күзләренә кереп югалырга була.
“Безгә гомеребездә меңнәрчә күзләр күрергә туры килә, ләкин без аларның төзелеше турында уйланып та карамыйбыз, – дип сөйләде Сурен Азатлыкка. – Ә бу бит искитмәле матурлык. Алар башка планета манзараларын, андагы кратерлар, елгалар, үзәнлекләрне хәтерләтә. Әйтерсең, башка дөнья. Күзләрне фотога төшергәндә мин үземне галәмдә сәяхәт иткәндәй хис итәм.”
Теоретик физика өлкәсендә доктор дәрәҗәсенә ия Сурен Манвелян үзенең фотога төшерү техникасы серләрен ачмый. “Күзләр – күңел капкасы, аларны һәр фотограф төшерергә тырыша, мин шуларның берсе, фәкать төшерүнең кызыклы юлын эзләп таптым” ди ул.
Сурен хайваннар күзләрен дә төшерә, ләкин аларны төшерү бераз авыррак, ди ул. “Кирәкле мизгелне эләктерер өчен кайвакыт бер сәгатьләп көтәргә кирәк, – ди ул, – алай да, студиядә төшергән вакытта берсенә дә (хайваннарга да, кешеләргә дә) бер зыян да килмәде.”
Киләчәккә планнарга килгәндә, Сурен күзләр төшерүдән туктарга җыенмый, шулай да, алга таба “бераз җиргәрәк төшеп”, туй сурәтләрен төшерә башларга тели.