Самар һәм Яңа Куйбышев Сабантуйлары

Самар өлкәсендә Сабантуйларын күптәннән һәм зурлап уздырып киләләр. Тәҗрибә тупланган, иганәчеләр булдырылган. Ә менә Яңа Куйбышев кебек кечкенә шәһәрдә татарлар әле тернәкләнеп кенә килә. Җирле “Туган тел” җәмгыяте җитәкчесе Ринат Ситдыйков һәм Әхмәткәрим хәзрәт шәһәргә татар төсмерен кайтаруда, ислам әхлагын булдыруда зур көч куя. Татар милли хәрәкәтенең дин әһелләре белән кулга-кул тотынып эшләве мактауга лаек.