Казанда ел ярым-ике ел дигәндә 11 еллык православ гимназияләре барлыкка киләчәк. Шундый ук гимназияне Чаллыда да төземәкчеләр. Бу хакта Татарстан митрополиты Феофан Казан епархиясендә узган матбугат очрашуында әйтте.
“Менә хәзер генә мин әлеге гимназия өчен бина булдыру документын имзаладым. Әлегә төгәл кайсы бина икәнен әйтмим”, диде ул.
Феофан Татарстанга митрополит булып килгәннән бирле республикада православ динен укытуны алга сөрә.
