Forbes Русиянең иң бай 200 эшмәкәр рейтингы хисабын бастырды. Анда биш татарстанлы да бар.
Русиядә иң бай кеше "Новатэк" һәм "Сибур" ширкәтләре хуҗаларының берсе булган Леонид Михельсон ( $14.4 млрд). Бер елда аның байлыгы 2,7 миллиард долларга арткан. Шулай ук беренчеләр рәтендә «Альфа-Групп» башлыгы Михаил Фридман( $13.3 млрд). USM Holdings җитәкчесе Алишер Усманов ( $12.5 млрд) бар.
Татарстанлыларга килгәндә, ТАИФ ширкәтеннән Айрат һәм Радик Шәймиевләр исемлекнең 126-127нче урыннарында урнашкан. Аларның байлыгы 700 миллион доллар дип исәпләнә. ТАИФның тагын ике вәкиле – Рөстәм Сүлтиев һәм Альберт Шиһабетдинов 650 миллион доллар белән 131-132нче урыннарда.Татарстаннан Алексей Семин (ASG) 152нче урында. Аның байлыгы – 550 миллион доллар. Барлык татарстанлылар да рейтингта түбән төшкән.
