Accessibility links

Индонезиядәге зилзиләдә һәлак булучылар йөздән арткан


Пиди шәһәрендә мәчет хәрәбәләре янына җир тетрәүдән соң кешеләр җыелган
Пиди шәһәрендә мәчет хәрәбәләре янына җир тетрәүдән соң кешеләр җыелган

Индонезиянең Суматра утравындагы зилзиләдә йөздән артык кеше һәлак булды, 700дән артык кеше яраланды, меңнәрчә кеше йортсыз калды. 3,2 меңнән артык кеше утрауда оештырылган эвакуация үзәкләренә күчерелгән

Индонезиянең төньяк-көнбатышындагы Суматра утравында 6,5 дәрәҗәдәге җир тетрәүдә һәлак булучылар саны 102 кешегә җиткән дип хәбәр итә Reuters. Агентлык мәгълүматларына караганда, яраланучылар саны 700дән арткан, ә меңнәрчә кеше йортсыз калган. 3,2 меңнән артык кеше утрауда оештырылган эвакуация үзәкләренә күчерелгән.

Суматра утравындагы зилзилә 7 декабрьдә кичке сәгать 10 тирәсендә теркәлгән. Тетрәүнең үзәге Банда-Ачех шәһәреннән 92 чакрымда, 10 чакрым тирәнлектә булган. Пидиджай һәм Пиди районнарында 125 йорт, 105 кибет, 14 мәчет җимерелгән диелә.

Коткаручылар хәрәбәләр астыннан кешеләрне эзләүне дәвам итә.

XS
SM
MD
LG