Accessibility links

якшәмбе, 19 ноябрь 2017, Казан вакыты 06:11

Испаниядә атлар ут аша сикертеп "сафландырыла"

Испаниянең үзәк-көнбатыш Авила провинциясенең Сан Барталоме де Пинарис авылында (San Bartаlome de Pinares) атларны ут аша сикертеп "сафландыралар".

Дини ышану нигезендә, моның өчен учаклар яндырыла һәм атлар белән шушы учаклар өстеннән сикереп чыгып атлар "начарлыклардан арындырыла, сафландырыла".

600ләп кеше яши торган Сан Барталоме де Пинаристагы чара католикларда хайваннарны саклаучы изге буларак кабул ителгән Изге Антон хөрмәтенә һәр елдагыча быел да уздырылып зур кызыксыну уятты.

Авылда биш гасыр буе сакланып килгән "Las Luminarias" исемле чара кичке якта чиркәү чаңнары кагу белән башланып китте.

Дини һәм мәдәни традицияләргә нигезләнгән чарада атлар иң башта чиркәү побы тарафыннан "изгеләштерелде". Аннан, өсләренә җайдаклар утырган атлар авылның ике урамында кабызылган учаклар өстеннән сикереп "начарлыкларыннан арындырылды".

Әлеге традиция белән атлар газаплана дип хайван хокукларын саклаучылар бу чараны тәнкыйть утына тота.

Әмма авыл халкы моның атларга бернинди дә зыян салмавын белдерә. Чөнки атларны ут өстеннән сикертер алдыннан аларның яллары һәм койрыклары учак ялкыныннан зыян күрмәсен өчен махсус япма белән ябыла, дип әйтә алар.
күбрәк күрсәт

Учак өстеннән сикерүче җайдак
1

Учак өстеннән сикерүче җайдак

Учак өстеннән сикергән атның тояклары
2

Учак өстеннән сикергән атның тояклары

Биш гасыр буе уздырылып килүче әлеге чараны авыл халкы да яратып күзәтә
3

Биш гасыр буе уздырылып килүче әлеге чараны авыл халкы да яратып күзәтә

"Las Luminarias" чарасыннан бер күренеш
4

"Las Luminarias" чарасыннан бер күренеш

Испаниянең Сан Барталоме де Пинарис авылында атларга атланып учак өстеннән сикерү йоласы биш гасыр буе сакланып килә
5

Испаниянең Сан Барталоме де Пинарис авылында атларга атланып учак өстеннән сикерү йоласы биш гасыр буе сакланып килә

Учак төтене арасында җайдак
6

Учак төтене арасында җайдак

Учак ялкыныннан зыян күрмәсен өчен атларның яллары һәм койрыклары махсус япма белән ябылган
7

Учак ялкыныннан зыян күрмәсен өчен атларның яллары һәм койрыклары махсус япма белән ябылган

Чара башланыр алдыннан авыл халкы
8

Чара башланыр алдыннан авыл халкы

Учак өстеннән улы белән бергә сикергән җайдак
9

Учак өстеннән улы белән бергә сикергән җайдак

Учактан сикереп чыккан ат һәм җайдак
10

Учактан сикереп чыккан ат һәм җайдак

Хайван хокукларын яклаучылар атларны шушы рәвешле "начарлыклардан арындыру" белән хайван хокуклары бозыла дип белдерә, әмма авыл халкы бу тәнкыйтьләүләрне кире кага
11

Хайван хокукларын яклаучылар атларны шушы рәвешле "начарлыклардан арындыру" белән хайван хокуклары бозыла дип белдерә, әмма авыл халкы бу тәнкыйтьләүләрне кире кага

XS
SM
MD
LG