Яңа оешма берничә дини объектны төзеп бетерү өчен инвестор эзли башлаган. Иң беренче чиратта, бу "Әр-Рәхим" мәчете һәм Комсомол урамындагы чиркәү, дип хәбәр итәләр Уфа хакимиятенең матбугат хезмәтендә.
Шулай ук Сипайлово бистәсендәге туктап калган чиркәү төзелешенә һәм шәһәрнең тарихи өлешендәге кайбер объектларга ярдәм күрсәтеләчәк. Аерым алганда тарихи кыяфәтен югалткан Хәким мәчете дә төзекләндереләчәк диелә.
Уфадагы "Әр-Рәхим" җәмигъ мәчете төзелешен Башкортстанның элекке президенты Мортаза Рәхимов белән бәйле "Урал" вакыфы финанслый башлаган иде. Ләкин Башкортстан мөселманнарының диния нәзарате белән вакыф арасында низаг килеп чыкканнан соң, мәчет төзелеше туктатылды. Республика акча бирүдән баш тартты, яңа инвестор табылмады.
Безнең Telegram каналына язылыгыз! Иң кызыклы хәбәрләрне беренче булып укыгыз.
