Accessibility links

дүшәмбе, 23 октябрь 2017, Казан вакыты 21:47

Казанда Татар халкы голәмә шурасы оешты. Анда башлыча татар галимнәре: тарихчылар, тел белгечләре, журналистлар керә. Шура Владимир Путинга төбәкләрдә ана телләрен саклап калуны сорап мөрәҗәгать кабул итте.

Русия президентына хат юллаулары турында Азатлыкка голәмә шурасы әгъзасы Нурулла мәчете имамы Габдулла Галиулла әйтте. Хатта Путинның туган телләрне ихтыяри укытуга калдыру турындагы сүзләре Татарстанда шовинистик кәефләр уятты, диелә. Президентның мәктәпләрдә ана телләрен укытуны тикшерү турындагы боерыгы Русия Конституциясенә һәм кануннарына каршы килә, дип белдерелә.

Авторлар язуынча, дәүләт теле буларак, татар телен укыту бер канунга да каршы килми, ул федераль мәгариф стандартлары кысаларында башкарыла.

Галимнәр Русия халыкларының телләрен саклап калу өчен ана телләрен федераль стандартка кертү һәм туган телдән мәҗбүри имтихан булдыру кирәк дип саный. Алар Путиннан әлеге мәсьәләне чишүне Русия хөкүмәтенә кушуны сорый.

Голәмә шурасына 20гә якын кеше керә. Хат имазалаучылар арасында Марат Лотфуллин, Илдус Әмирханов, Рүзәл Йосыпов, Зөһрә Айсина, Тәэминә Биктимерова, Кашиф Гатин, Вахит Имамов кебек зыялылар бар.

Шул ук утырышта Идел-Урал буенда яшәүче урыс булмаган милләтләр җыенын уздыру карары да чыгарлыган. Биредә милли мәгариф проблемнарын чишү юлларын билгеләнәчәк. 6 ноябрьдә исә татар җыены уздыру планлаштырыла.

Безнең Telegram каналына язылыгыз! Иң кызыклы хәбәрләрне беренче булып укыгыз.

фикер әйт

фикерләрне күрсәт

XS
SM
MD
LG