Accessibility links

Башкортстанның Бүздәк районында беренче тапкыр “Җиз кыңгырау” дип аталган татар милли җыр-фольклор фестивале үтте. Анда республиканың дистәгә якын районы һәм шәһәреннән йөздән артык кеше катнашты.

Башкортстан татар милли-мәдәни мохтарияте “Җиз кыңгырау” татар милли җыр-фольклор фестивален Татарстан мәдәният министрлыгының грантына үткәрде. Җыр-моң бәйгесе сыйфатында узучы бәйрәмгә башта сынауны сәнгать осталары үз төбәкләрендә үткән.

17 октябрь үткән фестивальдә берьюлы өч чара билгеләнгән: Бүздәк район мәдәният үзәген туйлау, зур бәлеш пешерү осталарының “Кунак ашы – Бүздәк бәлеше” дип аталган осталык дәресләре һәм “Җиз кыңгырау” җыр бәйгесе.

Фестивальдә җырчылар арасында беренче урын ике кешегә бирелде. Алар - Чакмагыштан өлкән буын җырчысы Фәүдәт Гыйләҗев һәм яшь буын вәкиле, күп бәйгеләрдә җиңүче Эльвир Халиков. Фәүдәт Гыйләҗев Азатлыкка: “Мондый фестивальләр бик тә әһәмиятле. Без – өлкән буын сәнгатькәрләре, беренчедән, үзебезнең көчебезне сынасак, икенчедән, җанга якын җыр-моңнарыбызны, милли фольклорыбызны яшьләргә дә күрсәтәбез һәм аларга тапшырабыз”, диде.

Безнең Telegram каналына язылыгыз! Иң кызыклы хәбәрләрне беренче булып укыгыз.

фикер әйт

фикерләрне күрсәт

XS
SM
MD
LG