Борисова моны Русия президентын сайлауга багышланган түгәрәк өстәл сөйләшүе барышында әйтте.
"Сайлау алды кампаниясе вакытында без социаль челтәрләрне һәм матбугат чараларын күзәтеп торабыз. Гыйнвар ахырында шундый аңлашылмаучанлыкка тап булдык. Без шунда ук Казан башкарма комитетына шалтыратып аңлатма сорадык, ялгышлыкны төзәтүне таләп иттек. Чынлап та, тышкы реклама һәм мәгълүмат идарәлеге үз хатасын таныды. Реклама агентлыгы эшләрне үз конструкциясендә башкармаган, шуңа күрә техник хата киткән, ул тиз арада төзәтелде, диделәр", дип сөйләде Борисова.
28 гыйнварда Казанның Фатих Әмирхан урамында Грудинин баннеры өстенә Русия сайлау комиссиясенең баннеры ябыштырылган иде.
Грудининның Казан штабы җитәкчесе Артем Прокофьев билгеләп узганча, баннер Путин кортежы юлында торган". Путин Казаннан киткәнән соң Грудининның баннерын үз урынына кайтардылар.
