18 март узган Русия президентын сайлауның якынча нәтиҗәләрен Татарстан Үзәк сайлау комиссиясе рәисе Мидхәт Шаһиәхмәтов хәбәр итте.
Аның сүзләренчә, иртәнге сигезгә Татарстанда сайлау беркетмәләренең 100 проценты эшкәртелгән. Владимир Путин 82,09% җыйган. Икенче урында Павел Грудинин - 9,06%. Владимир Жириновский 3,01% тавыш җыйган. Максим Сурайкинга сайлаучыларның 1,68% тавыш биргән. Сайлаучыларның 1,33% Ксения Собчак яклы булуын күрсәткән. Григорий Явлинский - 0,87%, Борис Титов - 0,59%, Сергей Бабурин 0,58% алган.
Казанда Путин 77% тавыш җыйган. Иң күп процентны аңа Норлат (98,14%), Кайбыч (97,06%), Мөслим (96,62%) районнары биргән.
Татарстанда сайлауга килүчеләр 77,45% тәшкил иткән. Казан шәһәрендә тавыш бирергә килүчеләр 61,47%, Чаллыда - 79,54%, Әлмәттә - 76,51%, Түбән Камада - 71,83% тәшкил иткән. Авылларда тавыш бирүчеләр 80%тан артык булган.
Русия презиңенты сайлау 18 март узды. Үзәк сайлау комиссиясе нәтиҗәләренә караганда, беркетмәләрнең 99,75%ты эшкәртелгән. Путинга сайлаучыларның 76,67% тавыш биргән. Павел Грудинин - 11,79%, Владимир Жириновский - 5,66%, Ксения Собчак - 1,76%, Григорий Явлинский - 1,04%, Борис Титов 0,76%, Максим Сурайкин - 0,68%, Сергей Бабурин 0,65% җыя алган.
Тавыш бирергә сайлаучыларның 67,47 проценты килгән.
