Accessibility links

Роскомнадзор машина йөртүчеләрнең интернет-рациясен томаларга тели


Йөк машинасында ерак араларга йөрүчеләрнең төп таләпләренең берсе

Роскомнадзор элемтә операторларына ерак арага йөк машинасы йөртүчеләрнең Zello интернет-рациясен томаларга күрсәтмә биргән.

Интернет белгече Михаил Климарев хатны телеграм-каналга урнаштырган. "Ведемости"га да әлеге мәгълүматны раслаганнар.

Роскомнадзор 36 сигнал тапшыру челтәрен томаларга кушкан, аның эченнән 26сы Amazon-га карый. Бу челтәрләрдә 15 миллион IP адреслар бар. Хатта бер генә челтәр томаланмаса, рация эшләячәге язылган дип хәбәр итә Republic.

"Ведомости" корреспонденты AppStore кушымтасын суырткан, әмма ул эшләмәгән. Ә Republic корреспондентны интернет-рация белән проблемнар килеп чыкмавын әйтә.

Роскомнадзор Zello-ны Русиядә 2017 елның апрелендә томалый башлады. Мессенджер эш башлавы турында өч көн эчендә Русия хакимиятләренә хәбәр ителмәгән диелде.

Zello – ачык һәм ябык төркемнәр оештыру мөмкинлеге биргән интернет рация. Ерак араларга йөк машинасы йөртүчеләр Платон системына каршылык белдергән протест чаралары вакытында оештыру эшләрен җайлау өчен аны кулланган иде.

XS
SM
MD
LG