Күптән түгел булган яшерен сөйләшүләрдә вакытында Төньяк Корея ягы югары даирәләрдә очрашу үткәрү теләге белдерде дигән АКШ президенты идарәсендәге чыганак Reuters агентлыгына.
Кушма Штатлар рәсми рәвештә саммит май аенда узарга мөмкин дип белдерде. Төньяк Корея әлегә бу уңайдан тынлык саклый. Очрашу урыны турында да мәгълүмат юк.
Төньяк Корея элек тә, әгәр АКШ Көньяк Кореядан гаскәрләрен чыгарса һәм Көньяк Корея белән Японияне үзенең ракет калканы белән иминләштерүен туктатса, атом ракеты проектларыннан баш тарту мөмкинлеген карарга әзер булуы турында ишарәләр бирә иде.
Күптән түгел АКШ президенты Дональд Трампның дәүләт иминлеге киңәшчесе итеп билгеләнгән Джон Болтон дүшәмбе эшкә керешә. Пәнжешәмбе Сенатта дәүләт секретаре тарафыннан Үзәк күзләү идарәсенең элекке мөдире Майк Помпеоны дәүләт секретаре вазифасына раслау турында тыңлаулар башлана. Болтон да, Помпео да Төньяк Кореяга карата кырыс сәясәт алып бару яклы.
