14 апрель кичендә 93нче яшендә Уфада яшәүче күренекле татар шагыйрәсе Фәния Чанышева вафат булды. Аның белән хушлашу 16 апрель иртәсендә Башкортостан Язучылар берлеге бинасында үтәчәк.
Күпләр аны шагыйрә буларак белсә дә, Фәния ханым соңгы елларда проза жанрында да байтак эшләде. Аның “Мәхәббәт белән очрашу”, “Саумы якты көн”, “Сагышлы сукмаклар”, “Гомерем бакчасы” “Замандашлар” исемле китапларына искитмәле матур тел белән язылган повестьлар һәм истәлекләр кергән. Ул унике китап авторы.
