Accessibility links

Кайнар хәбәр

Япониядә табигать казасында йөздән артык кеше үлгән


Япониядә коткару эшләре бара

Япониядә барган су басулар һәм җир шуышу нәтиҗәсендә инде йөздән артык кеше һәлак булган. Тагын 50гә якын кеше хәбәрсез югалган.

Япония көнбатышында 5 июль көнне башланган яңгырлардан соң су басулар һәм җир шуышу нәтиҗәсендә һәлак булучылар саны 104кә җиткән.

Japan Times язуынча, тагын 50гә якын кеше хәбәрсез югалган. Аларны эзләү эшләре алып барыла.

Япония хөкүмәте 19 префектурада (төбәктә) якынча 6 миллион кешене эвакуацияләү турында карар чыгарган. Кешеләрне коткару һәм табигать казасы нәтиҗәләрен бетерү эшендә 54 меңләп янгын сүндерүче, полиция хезмәткәре һәм коткаручы катнаша.

XS
SM
MD
LG