Бу хакта Федераль салым хезмәте башлыгы урынбасары Даниил Егоров җавабында әйтелә, дип яза "Коммерсантъ".
Әлегә салым хезмәтләре физик затларның банктагы хисапларына һәм төрле түләүләренә бары тик тикшерүләр кысаларында гына керә ала. Әгәр фаразланган үзгәрешләр кабул ителсә, салымчылар теләсә кайсы кешенең хисапларында күчкән акчалары турында мәгълүмат таләп итә һәм декларациядә күрсәтелмәгән табышлары өчен салым салу мөмкинлеге алачак.
2017 ел нәтиҗәләренә караганда, Федераль салым хезмәте былтыр 20 мең ширкәтне һәм бары тик 774 физик затны тикшергән. Басма чыганаклары хәбәр итүенчә, үзгәрешләр кабул ителгән очракта, мондый тикшерүләр саны артачак.
