Accessibility links

Кайнар хәбәр

1-5 августта Казанда Бөтендөнья татар яшьләре форумы узачак


2016 елда узган VII татар яшьләре форумы

Татар яшьләре форумы сигезенче тапкыр үтәчәк.

1-5 август көнндәрендә Казанда VIII Бөтендөнья татар яшьләре форумы узачак. Чарада 30 чит илдән, Русиянең 60 төбәгеннән һәм Татарстан районнарыннан меңгә якын делегат катнашачак дип көтелә.

1 август көнне делегатлар Казанга килеп урнаша, экскурсияләр һәм танышулар уза. 2 август көнне "Корстон" үзәгендә пленар утырыш үткәрү күздә тотыла, аңарчы татар яшьләренең проектлары аллеясе оештырыла. Төштән соң проектлар сессиясе уздырылачак.

3 август көнне яшьләр өчен җиде мәйданчыкта бәхәс-дискуссияләр үткәреләчәк: "тел һәм мәгариф", "тарихи хәтер", "яңа мәдәният", "гаилә һәм тәрбия", "медиа", "бизнес", "Татарстан илчеләре". Шул ук көнне танылган галим Рәшит Сүнәев лекциясе каралган, кичкә таба пленар утырышның дәвамы булачак.

4-5 август көннәрендә мәдәни чаралар каралган. Шимбә көнне делегатлар Арча, Балтач, Теләче, Саба районнарында булачак, якшәмбе алар Казанда узачак "Печән базары" татар шәһәр мәдәнияте фестивалендә катнашачак.

фикер әйт

фикерләрне күрсәт

XS
SM
MD
LG