Accessibility links

Кайнар хәбәр

Мәскәү өлкәсендә татар яшьләренең "Йолдызлар яңгыры" фестивале узды

11-12 август Мәскәү өлкәсенең Старая Купавна шәһәре янында татар яшьләренең "Йолдызлар яңгыры" фестивале үтте. Фестивальнең төп максаты – Мәскәү шәһәре һәм өлкәсендәге татар яшьләре оешмаларын берләштереп, уртак проектлар эшләү иде.

"Йолдызлар яңгырын" "Бердәмлек" яшьләр клубы, Русия мөфтиләр шурасы, Мәскәү татарлары "Штабы", "Мирас", "123 pro", "Татарча волейбол", "Яңарыш", Татарстанның Русиядәге вәкиллеге каршындагы Яшьләр шурасы, Башкортстан студентлары берләшмәсе оештырды. Чарада бизнес, татар теле, ислам дине буенча мастер-класслар үткәрелде, дизайнерлар ярминкәсе узды.

Чара вакытында "Мәчет-чатыр" эшләп торды. Мәскәү шәһәре җәмигъ мәчете имамы Ислам Зарипов яшьләр арасында аңлату эшләре алып барды һәм сорауларга җавап бирде. Фестивальдә катнашучылар Иске Купавна шәһәре мәчетенә экскурсиягә барып кайтты.

XS
SM
MD
LG