Бу, чәршәмбе курсы белән чагыштырганда, бер сумга күбрәк һәм соңгы ике ел эчендә долларның иң юагры бәясе.
Еврога карата да рубль бәясе бер сумга кимеде. Җомгага евроның рәсми курсы 79 сум 25 тиен тәшкил итә.
9 августта АКШның Русиягә яңа чикләүләр кертергә җыенуы турындагы хәбәрдән соң валюта базарында рубль бәясе төшә башлады. Моннан тыш, "Сбербанк", ВТБ һәм "Аэрофлот"ның да хиссәләре арзаная.
Чикләүләр Британиядә Русиянең элекке күзләү офицеры Сергей Скрипальне һәм аның кызын агулау өчен Русияне гаепләүгә бәйле. Мәскәү бу гаепләүләрне кире кага.
