Accessibility links

Кайнар хәбәр

Казан шәһәр думасы депутаты өч елга ирегеннән мәхрүм ителде


Надыйр Хәйруллин

Казанның Идел буе районы мәхкәмәсе Казан шәһәр думасы депутаты Надыйр Хәйруллинны алдалауда гаепле дип тапты һәм өч елга гомум тәртипле колониягә хөкем итте.

Хөкем карарын игълан иткәннән соң, мәхкәмә залында Надыйр Хәйруллинны сак астына алдылар, дип яза Татар-информ.

Тикшерүчеләр фаразлавынча, депутатның дусты Альберт Кәримов Менделеев урамында төзегән таунхаусларны канунилаштыру өчен ярдәм сораган. Алар шәһәр төзелешенә рөхсәт бирү идарәсе башлыгы Альберт Салиховка 24 миллион сум акча тапшырырга җыенганнар.

Кәримов сүзләренчә, депутат акчаны алган, әмма вәгъдәсен үтәмәгән. Ул Надыйр Хәйруллинны хөкемгә тартырлар һәм ул акчаны кире кайтарыр дип өметләнә.

XS
SM
MD
LG