Accessibility links

Кайнар хәбәр

Украинада президент сайлау кампаниясе башланды


Киев, Хөррият мәйданы
Киев, Хөррият мәйданы

Украинада президент сайлау кампаниясе 90 көн дәвам итәчәк. Тавыш бирү 2019 елның 31 мартына билгеләнгән.

Украинада президент сайлау кампаниясе башланды. Илнең үзәк сайлау комиссиясе 2019 елның 3 февраленә кадәр намзәтләрдән документлар кабул итәчәк. Теркәлү узганнан соң намзәтләр 29 мартка кадәр сайлау алды агитациясе алып бара алачак.

Социологлар уздырган сораштыру нәтиҗәләренә караганда, сайлаучыларның күбесе "Батьковщина" фиркасе башлыгы Юлия Тимошенко, мәзәкче Владимир Зеленский, "Гражданская позиция" фиркасе җитәкчесе Анатолий Гриценко, оппозиция вәкиле Юрий Бойко һәм әлеге президент Петр Порошенкога тавыш бирергә җыена.

Порошенкога респондентларның 9,4 проценты тавыш бирергә әзер. Рейтингның башында Юлия Тимошенко тора (16,9 процент). Шул ук вакытта Украина ватандашлары илне нәтиҗәле идарә итүче сәясәтче күренми дип белдерә.

XS
SM
MD
LG