Accessibility links

Кайнар хәбәр

Эхинококкоз авыруын йоктырган Ульян курсантларына химиотерапия үтәргә кирәк булачак


Белгечләр эхинококкоз белән күп кешенең берьюлы авыруы моңарчы күрелмәгән хәл һәм "безгә бөтен дөреслекне әйтмиләр" дип фаразлый.

Эхинококкоз йоктырган Ульян суворов училищесы укучыларына химиотерапия узарга туры киләчәк. Кайберләренә операция ясарга мөмкиннәр. Ә калганнары дистә еллар табиблар күзәтүендә булырга тиеш, чөнки авыруның инкубация вакыты якынча 30 ел тәшкил итә дип яза "Известия".

Басма мәгълүматларынча, чир йоктырган кешедә эхинококклы шеш (киста) барлыкка килә, ә анда паразит суалчаннары үсә. Шеш шартларга мөмкин, ул вакытта гельминтлар бөтен тән буйлап таралачак. Аларны яман шеш кебек үк, химиятерапия ярдәмендә агулыйлар, аннары операция ясыйлар, соңыннан тагын химия курсы үткәрәләр. Белгечләр сүзләренчә, паразит суалчаннар кешенең үпкәләрендә булса, алар бавырда да була. Паразит училище малайларының башлыча үпкәләрен зарарлаган диелгән иде.

Эхинококкоз йоктырган үсмерләрне дәваларга Мәскәүгә җибәргәннәр. Саклану министрлыгы Ульян Суворов училищесында эхинококкоз чыганагы дип авыру этләрне атады.

Пирогов исемендәге Русия дәүләт тикшерү медицина университетының инфекцион авырулар һәм эпидемиология кафедрасы мөдиры Владимир Никифиров газетка мондый күп кешенең берьюлы авыруы моңарчы күрелмәгән хәл һәм "безгә бөтен дөреслекне әйтмиләр" дип фаразлаган.

фикер әйт

фикерләрне күрсәт

XS
SM
MD
LG