Accessibility links

Башкортстанда милитаризм рухы көчәя


Уфада "Үлемсез полк" йөреше, 9 май 2019

Икенче дөнья сугышы тәмамлануга 74 ел тулу уңаеннан Башкортстанда "Җиңү язы" чаралары узды.

Уфадагы чаралар Җиңү паркында чәчәкләр салудан башланды. Башкортстан республикасы башлыгы вазифасын башкаручы Радий Хәбиров икенче бөтендөнья сугышы батырлары, милләте белән татарлар Шакирҗан Мөхәммәтҗанов (Александр Матросов) һәм Миңнегали Гобәйдуллин һәм тагын берничә һәйкәлгә чәчәкләр салды.

Бәйрәмнең төп чаралары Уфа хакимияте каршындагы мәйданда узды. Анда хәрби бүлек, уку йортлары, куәт структуралары һәм хәрби техника катнашында тантаналы йөреш узды. Чарада икенче бөтендөнья сугышы чорындагы танклар һәм машиналар катнашты.

Аннан соң "Үлемсез полк" чарасы узды. Быелгы чарада хәрби киемдәге балалар башка елларга караганда күбрәк катнашты. "Башкортстан коммунисты" гәзитенең элеккке баш мөхәррире Мадриль Гафуров Азатлыкка моны илдәге милитаристик юнәлеш арту белән аңлатты.

Мадриль Гафуров
Мадриль Гафуров

"Русиядә хәрби техника күрсәтү бәйрәм төсен ала. Без көч белән мактанабыз. "Үлемсез полк"та хәрби киемдәге балалар елдан-ел күбрәк катнаша. Без хәрби техника, корал һәм хәрби киемнәр белән ватанпәрвәрлек тәрбияләргә тырышабыз. Бу дөрес юл түгел", диде Мадриль Гафуров.

"Үлемсез полк"та 100 меңгә якын кеше катнашты диелде.

Радий Хәбиров бабасы Абдулбарый Хәбиров сурәтен тотып чыкты
Радий Хәбиров бабасы Абдулбарый Хәбиров сурәтен тотып чыкты

Башкортстан башлыгы вазифасын башкаручы Радий Хәбиров бабасы Абдулбарый Хәбиров, шәһәр хакимияте башлыгы Өлфәт Мостафин бабасы Гыйлемҗан Гыйззәтуллин фотосурәтләрен тотып узды.

Шушы ук мәйданда ретро автомашиналар күргәзмәсе оештырылды, "Солдат боткасы" дигән чара һәм зур мәдәни чара узды. Җиңү бәйрәме кичен салют атулар белән тәмамлана.

фикерләр (16)

бу форум ябык
XS
SM
MD
LG