Accessibility links

Кайнар хәбәр

Татарстан һәм Башкортстан журналистларга басым чагыштырмача югары булган төбәкләргә керде


Журналистлар хокукларын бозу харитасы
Журналистлар хокукларын бозу харитасы

Идел буеның күпчелек төбәкләре журналистлар хокукларын бозу харитасында "кызгылт сары" төркемгә кертелде. Бу әлеге төбәкләрдә журналистларга чагыштырмача югары басым ясала дигәнне аңлата.

Русиядә журналистлар хокуклары бозылу харитасын Гомумрусия халык фронты әзерләгән. Биредә төбәкләр дүрт төркемгә бүленә: "кызыл" — журналистларга югары дәрәҗәдә басым, "кызгылт сары" — чагыштырмача югары басым, "сары" — уртача дәрәҗәдә басым, "соры" — мәгълүмат юк.

"Кызгылт сары" төркемгә Татарстан, Башкортстан, Удмуртия, Чуашстан республикалары, Оренбур, Самар, Ульян өлкәләре һәм башкалар кергән.

"Кызгылт сары" төркем журналистларга карата янау һәм куркыту белән сыйфатлана. Шулай ук милеккә зыян килү, интернет-ресурсларны тартып алу, мәхкәмә эзәрлекләүләре, цензура, медиага финанс басымы ясау да бар.

"Кызыл" төркемгә Мәскәү, Ростов, Омски, Свердловски, Чиләбе өлкәләре, Ставрополь, Краснодар крайлары, Бурятия керә. Бу төркемдә журналистларны үтерү һәм кыйнаулар исәпкә алына.

XS
SM
MD
LG