Акчуриннар – Сембер губернасы һәм Идел буенда эре татар сәүдәгәрләр. Бу нәсел турында беренче искә алулар XVI гасыр башына карый. Патша Русиясендә Акчуриннар беренчеләрдән булып тауарны алып-сатып кына калмый, үзләре җитештереп чыгара башлый. Акчуриннар тукыма фабрикалары тота, берничә сәүдә-сәнәгать берләшмәләрен оештыра. Моннан тыш, хәйрия эше алып баралар – китапханәләр, эшчеләргә мәдәният йортлары, фәкыйрләр һәм ятимнәргә бушка туклану ашханәләре төзегән, китап, газет бастыруга акча бүлеп биргән.