Русия прокуроры Дондагы Ростов мәхкәмәсеннән Кырымның алты мөселманына Хизб ут-Тәхрир белән бәйле "Ялта эше" нигезендә җәмгысе 100 елга якын колония хөкеме сорады. Бу хакта адвокат Эдем Семедляевка сылтанып "Грани" басмасы хәбәр итә.
Прокурор Мөслим Алиев һәм Инвер Бекировны 20шәр елга, Эмер-Усейн Куку һәм Вадим Сирукны 15әр, Арсен Джеппаровны 13,5, ә Рефат Алимовны 14,5 елга ирекләреннән мәхрүм итүне сорый.
Хизб ут-Тәхрир оешмасы белән элемтәләрдә гаепләп Кырым мөселманнарын эзәрлекләү Кырымны Русия аннексияләгәннән соң башланды. Әлеге вакытка барлыгы 50дән артык кеше тоткарланган.
Хизб ут-Тәхрир белән бәйле "Ялта эше" нигезендә гаепләүнүчеләрнең берсе дә үзләрен гаепле дип танымый. "Мемориал" хокук яклау оешмасы аларны сәяси тоткын дип таныды.
