Accessibility links

Кайнар хәбәр

Русия Дәүләт байлыгы фондында доллар өлешен киметәчәк


Русия Дәүләт байлыгы фондында доллар өлешен киметеп, Кытай юане яки башка валюта кертергә мөмкин. Үзәк банк валюта резервларында доллар өлешен киметкәннән соң Русия 7,7 миллиард доллар югалткан дип бәяләнә.

Русия финанс министрлыгы 2020 елда Дәүләт байлыгы фондында валюталар структурасын үзгәртәчәк. Моның сәбәпләренең берсе - геосәясәт куркынычлары дип хәбәр итте финанс министры урынбасары Владимир Колычев.

"Доллар өлеше кимрәк булачак. Башка валюталар, шул исәптән Кытай юане карала", дигән түрә.

Дәүләт байлыгы фонды - нефть сатудан кергән өстәмә керемнәрне җыю урыны. 1 ноябрьгә анда сигез триллион сумга якын, яки 124,5 миллиард доллар акча тупланган.

Фонд кагыйдәләренә ярашлы, кертемнәрнең 45әр проценты евро һәм долларда, 10 проценты фунт стерлингта сакланырга тиеш. "Ведомости" искәртүенчә, 1 ноябрьгә доллар өлешенә кертемнәрнең 46 проценты туры килә.

2018 елда Үзәк банк илнең алтын-валюта резервы структурасында доллар өлешен киметеп, евро һәм юань өлешен арттырды. Bloomberg бәяләвенчә, әлеге үзгәреш нәтиҗәсендә Русия 7,7 миллиард доллар югалткан.

фикерләр

XS
SM
MD
LG