Accessibility links

Кайнар хәбәр

Татарстанда тагын 53, Башкортстанда 72 кешедә COVID-19 рәсмән расланган


Русиядә тәүлек эчендә коронавируслы авырулар саны 8 863 кешегә арткан. 182 кеше үлгән. Бу – хөкүмәт белдергән рәсми саннар.

Татарстанда узган тәүлектә 53 кешедә коронавирус расланган. 2 июньгә республикада авыруның актив очраклары – 473, эпидемия чорында барлыгы 3297 кеше авырган, шулардан 2814 кеше савыккан. Бу саннарны Русия коронавируска каршы оператив көрәш штабы китерә.

Татарстандагы штаб хәбәр иткәнчә, узган тәүлектә республикада 124 кеше савыккан. Яңа ачыкланган очракларның җидесендә авыруны хастаханәгә җибәргәннәр, калганнарының хәле авыр түгел, алар өйләрендә дәвалана.

Казанда 21, Чаллыда тугыз, Чүпрәле районында ун очрак теркәлгән. Республикада узган тәүлектә коронавирустан үлүчеләр булуы әйтелми, моңа кадәр барлыгы 10 кеше үлгән иде.

Башкортстанда тагын 72 кешенең COVID-19 йоктыруы ачыкланган, яңа вирус белән зарарланучылар саны 3409, шулардан 1138 кеше савыккан. Яңа үлемнәр турында хәбәр ителми, алдагы көннәрдә барлыгы 18 кеше вирустан үлгән иде.

Русиядә узган тәүлек эчендә 8 863 кешедә коронавирус ачыкланган, 182 кеше үлгән. Хәзер илдә барлыгы 423 741 кешедә яңа вирус расланган, 5037 кеше үлгән, 186 985 кеше савыккан.

Рәсми саннар. 02 июнь 10:35

төбәкләравыргантерелгәнүлгән
Башкортстан 3 409 (+72) 1 182 (+6) 18 (+0)
Татарстан3 297 (+53) 2 814 (+124) 10 (+0)
Русия423 741 (+8 863) 186 985 (+11 108) 5 037 (+182)

стопкоронавирус.рф

XS
SM
MD
LG