Татарстан сәламәтлек саклау министрлыгы якшәмбе республикада коронавирустан дүрт кешенең үлеме турында хәбәр итте. Сүз 1931, 1942, 1955 елгы өч хатын-кыз һәм 1946 елгы ир турында бара.
Шимбә министрлык биш кеше үлеме турында белдергән иде: 1940, 1941, 1958 елгы өч ир һәм 1944, 1955 елгы ике хатын-кыз.
"Үлем сәбәпләре патологоанатомик экспертиза нәтиҗәсендә билгеләнде. Вирус идентификацияләнгән", диләр министрлыкта.
Соңгы җиде көндә коронавирустан көненә 3-4 кешенең үлеме турында рәсми белдерелә, гәрчә вирус йоктырулар саны әзәйсә дә. Соңгы атнада тәүлегенә якынча 50 кешедә COVID-19 ачыклана.
Шулай итеп, рәсми саннарга караганда, 8 март иртәсенә Татарстанда коронавирустан барлыгы 364 үлгән.
Русиядә узган тәүлектә коронавирус йоктыруның 10 253 очрагы теркәлгән, 379 кеше үлгән диелә стопокронавирус.рф сайтында. Пандемия башыннан илдә барлыгы 89 437 коронавирустан үлгән.
🛑 Әгәр сезнең провайдер безнең сайтны томалап куйса, аптырамагыз, телефон йә планшетыгызга Азатлыкның RFE/RL әсбабын йөкләгез (App Store һәм Google Play кибетләрендә бушлай) һәм татар телен сайлагыз. Без анда да ничек бар, шулай!
🌐 Шулай ук, безнең Telegram каналына кушылырга онытмагыз!
