"Тәмле һәм нокта". Русиядә Көнбатыш брендларының игезәкләре тарала
Көнбатыш ширкәтләре Русия базарыннан китә, алмашка аларның игезәкләре килә.

1
Казанда элеккеге McDonald's бинасында "Тәмле һәм нокта" филиалы, 2022 елның августы.
2022 елның маенда McDonald's Русиянең Украинага басып керүенә җавап итеп Русиядән китүен игълан итте. Июнь аенда ук McDonald's-ның йөзләгән элеккеге рестораннары Русия идарәсенә күчеп, исемен "Тәмле һәм нокта" дин үзгәртеп, гриль-барларын яңадан эшләтеп җибәрде.
2022 елның маенда McDonald's Русиянең Украинага басып керүенә җавап итеп Русиядән китүен игълан итте. Июнь аенда ук McDonald's-ның йөзләгән элеккеге рестораннары Русия идарәсенә күчеп, исемен "Тәмле һәм нокта" дин үзгәртеп, гриль-барларын яңадан эшләтеп җибәрде.

2
Казанда "Тәмле һәм нокта" кафесы.
Күптән түгел анда булган бер күзәтүче һамбургерларның тәме нәкъ McDonald's-ныкы кебек дигән нәтиҗәгә килгән, ә соус пакетлары гомумән McDonald's-ныкы булган, логотибы гына кара белән буялган дип сөйләде.
Күптән түгел анда булган бер күзәтүче һамбургерларның тәме нәкъ McDonald's-ныкы кебек дигән нәтиҗәгә килгән, ә соус пакетлары гомумән McDonald's-ныкы булган, логотибы гына кара белән буялган дип сөйләде.

3
"Тәмле һәм нокта" хезмәткәрләре элеккеге McDonald's-та һамбургерлар әзерли, июнь, 2022
Яңа тиз туклану челтәренең аякка басуы кытыршы булды: июнь аенда һамбургерда күгәргән икмәк кулланулары турында хәбәр ителгән иде, ләкин рестораннар акрынлап популярлык казана булса кирәк.
Яңа тиз туклану челтәренең аякка басуы кытыршы булды: июнь аенда һамбургерда күгәргән икмәк кулланулары турында хәбәр ителгән иде, ләкин рестораннар акрынлап популярлык казана булса кирәк.

4
Ә бусы Мәскәү үзәгендәге Арбат урамында Stars Coffee филиалы. Мәшһүр Starbucks стилендәге кафе челтәре 2022 елның 18 августында ачылды.

5
Арбаттагы Stars Coffee кибете элеккеге Starbucks бинасында ачылды. Starbucks Русиянең Украинага басып керүенә җавап итеп 2022 елның маенда Русиядән китүен белдерде.

6
Stars Coffee кибетен Русия рэперы Тимати һәм ресторатор Антон Пинский эшләтеп җибәрде. Тимати 2015 елда "президент Путин - минем иң яхшы дустым" дип белдергән иде. Бу пар якындагы айларда Starbucks-ның дистәләрчә элекке кафелары Stars Coffee бренды астында яңадан ачылачак, дип игълан итте. Starbucks-ның Русиядә 130 филиалы һәм якынча 2000 хезмәткәре бар иде.

7
Оештыручылар әйтүенчә, алар яңа челтәрдә беркадәр дәвамчылык саклап калырга ниятләгән булган. Ләкин Пинский Мәскәүдә бренд ачылышында журналистларга "кешеләр төрлечә кабул итә ала, әмма чагыштырып карасагыз, түгәрәктән тыш (Starbucks логотибы белән) бернинди уртаклык та таба алмаячаксыз", дип белдерде.

8
Клиентлар Мәскәүдәге Stars Coffee кафесыннан чыга, 19 август 2022
Stars Coffee челтәре - Көнбатыш брендларын Русиянеке белән алыштыруның бер соңгы мисалы гына.
Stars Coffee челтәре - Көнбатыш брендларын Русиянеке белән алыштыруның бер соңгы мисалы гына.

9
Coca-Cola Русиядә җитештерүне һәм сатуны августта туктатты, нәтиҗәдә базарда туган бушлыкны тутыру өчен илдә охшаш эчемлекләр җитештерә башладылар. Бу фотода Cool Cola, Street һәм Fancy исемле Русиядә җитештерелгән эчемлекләр күрсәтелгән, алар Мәскәүдә азык-төлек кибетендә сатыла.