Русиянең Украинага каршы сугышында, безнең хисапка күрә, Башкортстаннан кимендә 343* кеше һәлак булган. Совет берлегенең 1979-1989 еллардагы Әфганстан сугышында да Башкортстаннан барлыгы 343 кеше һәлак булган йә хәбәрсез югалган. Шулай итеп, Путинның 11 айга якын барган сугышы Башкортстаннан үлүчеләр саны белән 10 ел дәвам иткән Әфган сугышын да узып китте.
Украинадагы сугышта Башкортстаннан иң күп үлүчеләр башкала Уфадан, аннан соң Стәрлетамак, Учалы, Белорет, Ишембай, Салават, Әбҗәлил районнары килә:
- Уфа — 23 кеше
- Стәрлетамак районы — 21 кеше
- Учалы районы — 20 кеше
- Белорет районы — 14
- Ишембай районы — 12 кеше
- Салават шәһәре — 11 кеше
- Әбҗәлил районы — 10 кеше
Барлык районнарда үлүчеләр санын харитада күрә аласыз:
Татарстаннан иң күп үлүчеләр Казан һәм Чаллыдан, аннан соң Кукмара һәм Чүпрәле районнары килә:
- Чаллы — 31 кеше
- Казан — 28 кеше
- Кукмара районы — 14 кеше
- Чүпрәле районы — 11 кеше
Барлык районнарда үлүчеләр санын харитада күрә аласыз:
Украинадагы сугышта һәлак булган Башкортстан һәм Татарстан кешеләренең кимендә 25е — узган көздә мобилизациягә эләгеп китүчеләр, менә алар:
Башкортстан (17)
- Дмитрий Собинов
- Илгиз Фәтхисламов
- Инзир Сөбханколов
- Руслан Хисаметдинов
- Даут Гыйлмияров
- Алмаз Хәбибуллин
- Фирүз Миңнебаев
- Тәлгать Киньябузов
- Юлай Шәрәфетдинов
- Фидан Шәфыйков
- Антон Денисов
- Яков Чаунас
- Альберт Билалов
- Ирек Фараев
- Илнур Имаев
- Азат Дәүләтов
- Фәнис Юламанов
Татарстан (8)
- Азат Латыйпов
- Павел Зуев
- Рамил Хаҗиев
- Сергей Софьин
- Денис Бектин
- Николай Зотов (табиб)
- Марс Сәлахов
- Рамил Мофаздалов
Моннан тыш, ике республикада да ихтыярилар батальоннары төзелгән иде. Анда язылып сугышка китүчеләр арасында да үлеп кайтучылар бар. Без теркәгән саннар мондый:
Башкортстан
- Шәйморатов исемендәге батальоныннан — 19 кеше
- Доставалов исемендәге батальоныннан — 6 кеше
- Салават Юлаев исемендәге батальоныннан — әлегә теркәлмәгән.
Татарстан
- "Алга" батальоныннан — 10 кеше
- "Тимер" батальоныннан — 1 кеше
Соңгы вакытта Украинадагы сугышка "Вагнер" хосусый хәрби ширкәте белән китеп үлүчеләр саны да арта. Безнең хисапка күрә, Башкортстан һәм Татарстаннан кимендә 25 кеше "Вагнер" белән сугышка китеп анда башын салган.
🛑 Русиядә Азатлык сайты томаланды, нишләргә? Безнең кулланма.
🌐 Безнең Telegram каналына да кушылырга онытмагыз!
Форум