Бер ел элек һәм хәзер. Русиянең Украинага һөҗүме нәтиҗәләре
2022 елның 24 февралендә Русия Украинага бәреп керде. Бу Икенче дөнья сугышыннан бирле Европада иң зур хәрби низагка китерде. Украинада меңнәрчә авыл-шәһәр, корылма-биналар җимерелде. Һәлакәтнең күләмен Maxar Technologies һәм Planet Labs PBS ширкәтләре төшергән иярчен сурәтләреннән чамалап була.
Һөҗүмгә кадәр
Һөҗүмнән соң
1
Яковлевка, Донецки өлкәсендәге Соледар шәһәре янындагы авыл, Русия гаскәрләре аны 2022 елның декабрендә басып алды. Иярчен сурәтендә торак йортлар һәм зур авыл хуҗалыгы объектының никадәр җимерелгәне күренә.
Һөҗүмгә кадәр
Һөҗүмнән соң
2
Луһански өлкәсендәге Рубежное шәһәре, Русия гаскәрләре аны 2022 елның маенда басып алды һәм әле дә контрольдә тота. Бу сурәтләр 2020 елның октябрендә һәм 2022 елның сентябрендә төшерелгән.
Һөҗүмгә кадәр
Һөҗүмнән соң
3
Соледар шәһәре, тоз чыгару урыны, Донецки өлкәсендә Бахмуттан төньяк-көнчыгышка таба 20 чакрым ераклыкта урнашкан. Русия гаскәрләре аны 2023 елның гыйнварында басып алды. 2021 елның җәендә һәм 2023 елның февралендә төшерелгән сурәтләрдә кайчандыр тормыш гөрләгән шәһәрнең җир белән тигезләнгәне күренә.
Һөҗүмгә кадәр
Һөҗүмнән соң
4
Мощун авылы, Киевтан төньякка таба урнашкан, сугышның беренче атналарында каты бәрелешләр урыны булды. Авылдагы 2800 йортның 2000е җимерелгән яки җитди зыян күргән. Бу сурәтләр 2019 елда һәм 2022 елның мартында, авыл Русия гаскәрләреннән азат ителгәч төшерелгән.
Һөҗүмгә кадәр
Һөҗүмнән соң
5
Мариуполь, Русиянең һава һәм артиллерия һөҗүмнәре нәтиҗәсендә җимерелгән шәһәр 2022 елда дөнья игътибары үзәгендә торды. Украина хакимияте әйтүенчә, шәһәрдәге биналарның 90 проценты җимерелгән яки зыян күргән.
Һөҗүмгә кадәр
Һөҗүмнән соң
6
Изюм шәһәре, Харьков өлкәсендә, Украина армиясе аны 2022 елның сентябрендә азат итте. Шәһәрдә биналарының 80 проценты җимерелгән яки зыян күргән.
Һөҗүмгә кадәр
Һөҗүмнән соң
7
Покровское авылы, Донецк өлкәсе, Русия гаскәрләре аны 2022 елның җәендә басып алды. Уң яктагы сурәттә торак йортларның һәм авылдагы бердәнбер мәктәпнең җимерелгәне күренә.
Һөҗүмгә кадәр
Һөҗүмнән соң
8
Попасная, Лугански өлкәсендәге шәһәр, хәзерге вакытта Русия гаскәрләре кулында дип санала. Беренче сурәт 2021 елның 16 октябрендә төшерелгән, икенчесе - 2022 елның 10 октябрендә - торак йортларның һәм чиркәүнең биналарның җимерелгәне күренә.
Һөҗүмгә кадәр
Һөҗүмнән соң
9
Купянск, Харьков өлкәсендәге шәһәр, Русия гаскәрләре аны сугышның беренче көннәрендә басып алды, сентябрьдә Украина аны үзенә кайтарды, Русия гаскәрләре аны әле дә утка тота.
Һөҗүмгә кадәр
Һөҗүмнән соң
10
Бахмут, Донецки өлкәсендәге шәһәр, 2022 елның июленнән бирле утка тотыла. Русия гаскәрләре аны 2022 елның декабрендә басып алды. Бу шәһәр иң канлы бәрелешләр урыны булды.