Чаллыда ике кыз бала бакчадан качып киткән, хәзер балалар бакчасын прокуратура тикшерәчәк. Бу хакта "Бизнес Online" яза.
Әлеге хәл узган җомга - 24 ноябрьдә "Инешкәй" 80нче балалар бакчасында булган. Качып киткән бер кызның әнисе социаль челтәрләрдә бакчада эшләүчеләрдән зарланган.
Ана кеше әйтүенчә, бу көнне аңа бакчадагы тәрбияче шалтыраткан һәм урамга йөрергә чыкканнан соң кызының башка бер кыз-бала белән бергә югалуын, аларны таба алмауларын әйткән. Янәсе, ата-аналарга бу хәл турында 1,5 сәгать узгач кына җиткергәннәр.
Балаларны тапканнар, зарланучы ана сүзләренчә, алар бу вакыт өчендә 3нче комплекста йөргән, өч тапкыр юлны аркылы чыгарга җитешкән. Кызлар тәрбияләнә торган төркемгә 11 бала йөри, ә тәрбияче берәү генә ди ул.
Нигезләр булса, прокуратураның чаралар күрәчәге әйтелә.
Форум