Татарстан кешеләре ел сүзе дип "мәхәббәт" сүзен атаган. Бу "ПромРейтинг" агентлыгы 1-23 ноябрьдә уздырган сораштыру нәтиҗәләреннән күренә. Республика кешеләре сүзләрне үзләре атаган, чикләүләүр булмаган.
Респондентлар сүзләренчә, "мәхәббәт" сүзен атауга, аерым алганда, АИГЕЛ төркеменең "Пыяла" җыры этәргән. Җырның беренче куплеты "Мәхәбәт пыяласын атасың - карасын" дип башлана. Ул "Слово пацана. Кровь на асфальте"сериалы чыкканнан соң популярлашып китте, дөнья чартларында беренче урыннарга менде. Җыр үзе 2020 елда чыккан.
Топ-5 сүзгә шулай ук "матурлык", "тыныч", "дуслык" һәм "җиңү" сүзләре кергән.
- Ноябрьдә инглиз теленең Кембридж сүзлеге (Cambridge Dictionary) "hallucinate" ("юк нәрсәне күрү") сүзен ел сүзе дип атады. Бу очракта әлеге ясалма интеллектның ялган мәгълүмат бирүен шулай атыйлар.
- Merriam-Webster американ сүзлеге 2023 ел сүзе дип "аутентик" сүзен (authentic) атады. Бу сүзгә игътибар ясалма интеллект һәм үзбилгеләнү (identity) мәсьәләләренә кызыксынуга бәйле диелә.
- Британиянең Collins English Dictionary инглиз теле сүзлеге 2023 ел сүзе дип Artificial Intelligence (AI), ягъни Ясалма интеллект терминын атады.
- А.С.Пушкин исемендәге урыс теле институты ел сүзе дип "нейросеть" (нейрочелтәр) сүзен атады.
🛑 Русиядә Азатлык сайты томаланды, нишләргә? Безнең кулланма.
🌐 Безнең Telegram каналына да кушылырга онытмагыз!
Форум