Strasburg -- Çığışı belän çeçen, Sovet çorında boks çempionı Säyet-Ämin İbrahimov, üz xalqınıñ xoquqları tanıluın taläp itep açlıq iğlan itkän. Strasburgta sörgendä yäşägän Säyet-Ämin radiobıznıñ Tönyaq Kafkaz bülegenä: "Min xärkemneñ bu adımnı döres añlawın telim. Bez Yeropa parlamentına, Berläşkän Millätlärgä möräcäğät ittek. Çeçen xalqınıñ xoquqları bozuluın räsmi räweştä tanırğa taläp itäbez. Bu taläplär ütälsä, açlıq tuqtatılaçaq," dide. Açlıq 26 kön däwam itä. İbrahimovnı küzätep toruçı Germaniäneñ Qurqınıç astındağı xalıqlar Cämğiäte, anıñ tormışı qurqınıç astında, dip belderä.
