"Cırlıyq äle" tapşırtuı 2000 nçe yılnı efirğa çıqtı. Ul waqıtta üzäk kanallarnıñ bersendä “Угадай мелодию” tapşıruı bara ide. “Cırlıyq äle” proyektı da şunıñ nigezendä eşlängän. Bu xaqta matbuğat oçraşuında “Tatarstan - Yaña Ğasır” teleradiokompaniyase direktorı urınbasarı Miläwşä Aytuganova äytte.
“Угадай мелодию” tapşıruı inde efirğa küptän çıqmasa da, “Сırlıyq äle” tapşıruı kiresençä kamilläşä genä bara. Ber yıl yarım elek ul yañardı - xäzer tamaşaçı karaokeğa quşılıp cırlıy ala.
Biş yılda tapşıruda 1 meñ 500 tiräse uyınçı çığış yasağan. Alarnıñ kübese Tatarstan rayon – awıllarında yäşäwçelär. Läkin bäygedä qatnaşuı ciñellärdän tügel. Bu xaqta matbuğat oçraşuında tapşırunı alıp baruçı Aydar Fäyzraxmanov
Töre tawışqa çığıp cırlawnı xätta professional' cırçılar da başqara almıy. Bu böten keşeneñ dä xälennän kilmi. Tapşıru çıqqannan soñ televideniegä xatlar da küp kilä, şaltıratuçılar da baytaq bula ikän. Kübese ğädelsez bäyä biräsez dip belderälär di, Miläwşä Aytuganova. “Televizor qarawçılar turıdan - turı tawış birä alsa yaxşı bulır ide, ämma xäzergä mondıy mömkinlek yuq”, - dielde matbuğat oçraşuında.
Tapşırularnı Tatarstan häm Başqortstan prezidentları da qarıy ikän. “Tapşırunıñ G. Qamal teatrındağı yubiley konsertı Mintimer Şäymievneñ tuğan könendä - 20 ğinwarda uzuı şunıñ belän bäyle tügelme”, - dip tä qızıqsındı jurnalistlar
Prezidentqa çaqıru xatı cibärdek. Ämma ul tuğan könendä xalıqtan yırağraq tora. Läkin tapşırunı qarap bara. Şulay uq tapşırunı Başqortstan prezidentı Mortaza Räximov ta qarıy, samşit waqıtında Qazanğa kilgändä gel qartlarnı ğına kürsätäsez dip belderde.Tapşıru bügenge köndä sürelep barğan üzeşçän sänğät'ne saqlap qalu. maqsatın quya. “Xäzer xätta mäcleslärdä cırlar cırlanmıy, xalıq cırlarnı da, alarnı yazuçılarnı da belmi”, - dielde jurnalistlar belän oçraşuda. Proyektnıñ avtorı Näcip Bädretdinov rayonnarğa çığıp tapşıruda qatnaşuçılarnı üze saylıy ikän. Şunıñ arqılı rayondağı keşelär turında da fiker tua ikän.
Elek üzeşçän sänğä'kärlär bäygeläre uza ide. Xäzer alar yuq, tapşırularnı qarap rayonda nindi cırçılar yäşäwen belälär.Tapşıruda qatnaşırğa teläp şaltıratuçılar şaqtıy buluı äytelde matbuğat oçraşuında. Miläwşä Aytuganova belderüençä, Tatarstandağılardan tış, Yekaterinburg, İjaw,Ul'yan, Penza, Perm şähärlärendäge, Xantı-Mansi avtonomiä okrugındağı millättäşlärebez dä bik kilergä teli ikän.
Comğa könne G. Qamal teatrında uzaçaq televizion konsertta zalda utıruçılar da qatnaşa alaçaq, çönki säxnädä ekrannar da urnaştırılaçaq.
Landış Xarrasova.
