Accessibility links

Кайнар хәбәр

Cälil könnäre bara


Bu könnärdä Tatarstan mäğlümat çaralarında häm mädäni mоxittä Tuqay, Cälil isemnäre yış yañğırıy. 15 fevral'dä Musa Cälil tuğanğa näq 100 yıl tula. Şul uñaydan 12 fevral'dä Mäskäw, annarı Irınburda Cälilgä bağışlanğan mädäni kiçälär ütäçäk. Ä 21 fevral'dä Qazanda Musa Cälilneñ tormış yulına häm icatına bağışlanğan konferensiä ütäçäk. Cälil Sovet zamanı patriotı simvolı bulıp sanalsa da, 11 tatarnıñ faşizm baltasınnan ber kön, ber säğät eçendä Gitler Reyxı başqalasında cäzalap üterelüe bu şäxes häm anıñ köräştäşläre zur tetränü häm xörmät xisläre uyata. Cälilneñ yubileyе formal' propaganda çarası ğına tügel, ä xalıq yazmışınıñ ber çağılışı da bularaq qabul itelä.

Bu könnärdä Cälil yazmışınıñ häm äsirlektä qalıp, yañadan Watanğa qaytıp, zur ğazaplar kürgän millättäşlärneñ yazmışı yañadan küz aldında. Tarixta balta şäwläläre, qan ezläre, ä bügenge häm irtägäse könnär añlaw öçen ciñel häm ğadi tügel.

Rimzil Wäli
XS
SM
MD
LG