Bıl yañıraq ütkärelgän sosiologik tikşerewźär barışında asıqlanğan. Unda törlö qala qala häm rayondarźan törlö yäştäge häm sosial' qatlamğa qarağan keşelär qatnaşqan. Sosiologik tikşerew autorı Marat Ütäşev äytewensä, şuğa la bıl tikşerewźe obyıqtiv tip äytergä mömkin. Säyäsät fändäre doktorı, Başqort Däwlät universitetınıñ xoquq institutında keşe xoquqtarı häm säyäsi-xoquqí uqıuźar kafedrahı mödire bulıp eşlägän Marat Ütäşev ösön bıl tikşerew kötölmägänsä bulğan. Başqortostanda xalıqtıñ tik ber prosentı ğına säyäsät menän qıźıqhına ikän. Min säyäsät menän qıźıqhınmayım tigän hüźźärźe yış işetergä tura kilä. Keşelär xatta bınıñ menän ğorurlana. Mineñsä ğorurlanır ösön urın yuq. Säyäsät ul beźźeñ tormoş ti ğälim. Marat Ütäşev fekerensä, Başqortostanda ukrainalağı kewek äflisun revolusiahı bulmayasaq. Sosiologik tikşerew höźömtälärenän kürenewensä, respublika xalqı deputattarğa, prokuraturağa, mäxkämä häm milisiağa bötönläy ışanmay. Üź-üźenä ışanıusılar 81 prosent. Qalağandarı Vladimir Putinğa häm Mortaza Räximovqa ğına ışana. Respondenttarźıñ 50 prosentı ularźıñ xoquqtarı boźola tip iźäpläy. Sosiologik tikşerewźä ğälimdı aptıratqan mäldär źä bulğan. Baqtihäñ Başqortostanda tormoş menän qänäğät bulıusılar bik küp ikän. 1 meñ 200 keşeneñ 76 prosentı mineñ ösön eşkä, aqsağa, belem alıuğa, duźtarğa qarağanda ğäiläm qäźerle tip yawap birgän.
