Accessibility links

Yaqın könçığış: qorallı fälästinlelär qısqa waqıt parlament binaların üz qullarına aldı


Könbatış Üzäne häm Gaza Sızığında uñnnarça qorallı fälästinle parlament binaları tübäsenä menep havağa ut açtı häm qısqa möddät parlament binaların üz qullarına alıp Fatah partiäse citäkçelegeneñ çigenüen taläp itte.Şunduyuq protestlar Betlehemdä dä buldı. Anda bitlekle Fatax äğzaları taläpläre turındağı isemlekne uqıp çıqtı. Fatax partiäse üzäk komitetınıñ çigenüe dä taläplär arasında ide

Qorallı Fatax äğzaları häm fälästin politsiäse 25 ğıynuarda ütkän parlament saylawlarında islamçı Hamas xäräkäteneñ ciñep çığuına protest belderä.Protest cıyınnarına qatnaşqan fälästin politsiäse Fälästin xakimiäte eçke eşlär ministırlığınıñ Hamas qulına küçüenä röxsät itmiäçäklären belderde. Hamasnıñ säyäsi citäkçelärennän berse Xaled Maşal törkem yaña xökümättä fälästin firqalalarınıñ qatnaşuın teli dip äytte. Gaza sızığında ölkän Hamas citäkçese İsmail Haniyeh öndäwlären kire qağıp

Qorallar häm qarşılıq kürsätü okupatsiä belän bäylängän, okupatsiä däwam itkän möddätçä fälästin xalqınıñ üzen yaqlarğa häm okupatsiägä qarşılıq kürsätergä xoquqı bar

Haled Maşal şulayuq Dönya Hamasnıñ saylawlarda ciñep çığuına xörmät belän qararğa , çit il yardäme fälästin xalqına qarata şantaj itep qullanılmasqa tieş dip äytte AQŞ däwlät departamentı süzçese Sean McCormack comğa kiç,

Bezneñ säyäsät açıq-anıq. Bezneñ qanun häm säyäsät terror oyışmalarına aqça birüne tıya. Hamas terror oyışması .

Rusiä tışqı eşlär minsitırılığınıñ bügen yasalğan belderüendä Hamas Terror oyışması itep tamğalanğan möddätçä Fälästin däwläteneñ oyışu mömkinçelege yuq dip äytelä. AQŞ, Yevropa Berlege häm İzrael islamçı qarşılıq kürsätü xäräkäte terror oyışması dip belderä. İslam İlläre Konferensiäse xalıqara cämäğätçelekne Hamas ciñep çıqqan Fälästin saylawları näticälärenä xörmät kürsätergä çaqıra .Oyışmanıñ çirattağı prezidentı Törkie wäkile Ekmeleddin İhsanoğlu Hamasnı xalıqara säyäsätneñ taläplärenä realistik mönäsäbät kürsätergä häm şulay itep fälästin xalqınıñ xoquq häm qazanıçların saqlap qalırğa çaqırdı İhsanoğlu çärşämbedä tınıç, ğädel ütkän saylawlarnı yuğarı bäyäläp, xakimiät üzägäreşe dä şunduyuq säyäsi ölgergänlektä bulsın dide färidä xämit
XS
SM
MD
LG