Yewropa Berlege illäre İrannı atom bayıtu belän bäyle härtörle eşne tuqtatırğa çaqırıp, tuqtatılmağan oçraqta mäs'äläne BMO İminlek Şurasına tapşıru belän yanarğa cıyına.
Berlekneñ ministrlar oçraşuında bügen qabul iteler dip kötelgän belderü ölgesendä şundıy kisätü bar.
Ul arada İrannıñ atom söyläşüläre törkeme räis urınbasarı Jawad Vaedi Brüssel'dä Yewropa Berlege isemennän Tähran belän söyläşülär alıp baruçı Fransiä, Britaniä, häm Germaniä wäkilläre belän oçraştı.
Vaedi söyläşülär bik uñay buldı dide. Britaniä Diplomatı John Sawers İran ällä ni zur yaña täqdim yasamadı dide.
Londonda BMO İminlek Şurasında daimi äğza bulğan 5 il AQŞ, Britaniä, Fransiä, Rusiä häm Qıtay häm tağın Germaniä wäkilläre İran turında urtaq pozitsiä buldıru mäs'äläsen qarıy.
Atnakiç könne 2-nçe fevral'dä Vienada BMOnıñ Xalıqara Atom Energiä İdaräse oçraşuı ütäçäk.
