Udmurtiäneñ Mojga şähärendä berençe sıynıfqa balalar tuplana başlandı. Şähärneñ berençe sanlı mäktäbeneñ berençe sıynıfına inde bugen 17 bala yazılğan. Älege mäktäptä tatar sıynıfları öç yıl elek açıldı. Bu Mojgada milli mädäni möxtäriät tözelgäç mömkin buldı. Möxtäriät millättäşlärebezneñ mänfägat''lären qayğırtuda yaña alımnar qullanıp, tatar üzäge başlağan eşne däwam itte. Möxtäriät bu yünäleştä qabul itkän plannarın tormışqa aşıruda berençe adımnarın balalarğa tatar telendä belem birüne räsmiläşterüdän başladı. Bıyıl mäktäptä dürtençe yıl rättän tatar sıynıfına balalar qabul itärgä äzerlänälär. Bu xäbärne mäktäp direktorınıñ başlanğıç klasslar buyınça yärdämçese Railä Äxmät qızı Makarova citkerde.
Berençe yıllarda balalar tuplaw ciñel bulmadı, dip däwam itte Räilä Äxmät qızı. Başta balalar baqçalarında ata-analar belän oçraşıp, soñraq alarnı mäktäpkä inde uquçılarnıñ ireşkän uñışların kürsätergä çaqırıp, ata-analarnı, balalarnı Qazanğa, Çallığa ekskursiälärgä alıp barıp, başqa çaralar oyıştırıp, yıl öç yıl rättän mäktäptä tatar sıynıfları açıla.
Uqıtuçılarğa milli oyışmalarnıñ zur yärdäm itüen bilgeläde Railä xanım. Bigräk tä milli mädäni möxtäriätneñ teläktäşlek belderüen bilgeläde ul. Alar xättä yaxşı näticälärgä ireşkän uquçılarğa möxtäriätneñ stipendiäsen dä bilgelägännär.
Uqıtuı ciñel tügel, balalar tuğan telendä awır söyläşä, dip başladı äñgämäne berençe sıynıf uqıtuçısı Räisä Möxammätcanova.
Bu mäktäptä milli regional'' komponentnı qullanu buyınça inde un yılğa yaqın eşlilär. Bu yunäleşne saylap, eşli başlawıbız kön tärtibendä torğan mäs’älälärgä turı kilde, dip basım yasadı mäktäp direktorı Vera Nasıyrova da.
Vera Nasıyrova uqıtuçılarnıñ, üzeneñ yärdämçeläreneñ eşene yuğarı bäya birep, bu eşne däwam itäçäkbez dip ışandırdı.
Balalar bu yıllarda küp närsägä öyrängän. Bügen alar Musa Cälilneñ tuğan könenä äzerlänä. İkençe sıynıftan Lenar sänğät''le itep şiğerlär söylärgä öyränä.
Öçençe sıynıf balaları ana tele neçkäleklären Nädiä Fayaz qızı Välieva yärdämendä üzläşterä.
“Milli oyışmalar, mäktäp, ata-analar ber yodrıq bulıp ber yunäleştä eşläwläreneñ näticäläre dä bar,-dip bilgeläde Nädiä Välieva. , Ä kiläçäktä däwamçılıq buldıru maqsatı belän baqçalarda tatar törkemnäre açu - mojgalılarnın aldağı burıçları.
Xämidä Ğayfullina, Udmurtiä
