Kuala-Lumpur. İrannıñ elekke reformaçıl prezidentı Möxämmät Xatami bügen, ägär dä Berläşkän Millätlär Tähranğa qarşı çikläwlär kertsä, bu dönya buylap neft bäyäläreneñ artuına kiterä ala, dip kisätte. Şuşı belderüen ul Malayziä başqalasında barğan häm İslam wä Könbatış arasındağı mönäsäbätlärgä bağışlanğan xalıqara cıyında yasadı. Xatami şulay uq, İran Quşma Ştatlar tarafınnan ğädelsez cäberlänä, monıñ urınına xalıqara cämäğätçelek tırışlıqların bar Yaqın Könçığışnı atom qoralınnan azat ber töbäkkä äyländerügä yünälderü yaxşıraq bulır ide, dip belderde.
