Yaqın könçığıştağı xalıqara wäkil, Dönya Bankınıñ elekke başlığı James Wolfensohn Fälestin idaräseneñ finansları berniçä atna eçendä cimereläçäk di.
Wolfesohn äytüençä, bu İzrail'neñ salım tüläwlärennän kilä torğan millionnarça dollarnı fälestin idaräsenä küçerüne tuqtatuı belän bäyle.
Wolfenson finanslarnıñ cimerelüe köç qullanuğa häm xaosqa kiterä ala di.
Anıñ bu kisätüläre Yaqın Könçığış Kwartetına kergän Yewropa Berlege, Rusiä, BMO häm Quşma Ştatlarğa yullağan xatında urın alğan.
Yewropa Berlegeneñ tışqı mönäsäbätlär komissionerı Benita Ferrero Waldner Berlek fälestinlelärgä 120 million yewro birü mäs'äläsen qarıy dide.
Anıñ äytüençä bu adımnıñ maqsatı Fälestin prezidentı Mäxmüt Abbasqa yardäm kürsätü.
