Başqortstannıñ Neftekama şähärendä ütkän atnada «Duslıq moñı» tatar başqort cırların başqaruçılarnıñ xalıqara festivale bulıp uzdı. Anda Udmurtiä başqalası İjaw şähärennän yäş cırçı Dilärä Ğadel''şina qatnaştı. Dilärä ul festival''dä ikençe tapqır çığış yasadı. Bıyıl Udmurtiä cırçısı berençe däräcäle diplomğa iä buldı. Neftekamada bulıp uzğan festival'' xaqında fikerläre belän Diläräneñ änise Fäniä Ğadel''şina urtaqlaştı.
Dilärä Ğadel''şina tatar başqort xalıq cırlarınnan tış, Udmurtiädä yäşäp icat itüçe avtorlarnıñ cırların da başqarğan. Ütkän festival''dä ul Raif Bahautdinovnıñ İbrahim Biektaulı süzlärenä «Aqqoşlar yözä parlap» cırın täqdim itkän bulsa, xäzer şuşı avtorlarnıñ «Ağidel''» isemle cırın başqarğan.
Fäniä Ğadel''şina äytüençä,«… festival''dä bıyıl Rossiäneñ törle töbäklärennän tış Estoniä, Latviädän, Qırımnan da başqaruçılar bulğan. Alarnıñ üzençälekle tawışların, moñnarın tıñlaw küñellärne söyendersä, alarnıñ sänğäte belän tanışsaq, şul uq waqıtta alardan säxnädä üz-üzlären totuların kürep, üzebez öçen küp närsä aldıq»,— dip belderde.
Dilärä Ğadel''şinanıñ yazmışı belän dä qızıqsındım. Festival''dän soñ talantlı qıznı Ufağa uqırğa çaqırğannar. Ämmä Diläräneñ Qazanda uqırğa niäte dä köçle. Ä älegä ul İjaw şähäreneñ muzıka uçilişçesında imtixannar birep yöri, änise citäklägän «Şatlıq» ansamble belän konsertlarda qatnaşa. Bügen alar änilär bäyrämenä bağışlanğan tamaşa äzerlilär.
Xämidä Ğayfullina, Udmurtiä
