Amerikan prezidentı kilügä ber kön qala Paqstannıñ Karaçi qalasında, amerikan konsullığı qarşında ber intiharçı üzen şartlatıp, 4 keşene, şul isäptän amerikan diplomatın üterde. Bu xäbärne Dählidä işetkän George Bush Paqstanğa barudan baş tartmayaçağın äytte. "Terrorçılar häm üterüçelär mine Paqstanğa barudan tuqtata almıy. Bu möhim säfär. Prezident Möşärräf belän terrorğa qarşı suğış turında söyläşülär bik möhim. Ul bu suğışta turıdan-turı qatnaşa. Terrorçılar anı 4 tapqır üterergä tırıştı", dide ul.
Bush Hindstan belän atom ölkäsendä ireşelgän kileşüne uñış dip atadı. Anıñ süzlärençä, xäzer Hindstan atom qoralı belän eş itüdä cawaplıraq bulaçaq, östäwenä, neftkä azraq bäyle bulaçaq, bu isä dönyada neft bäyäseneñ dä kimüenä kiteräçäk. Çärşämbedä kötmägändä Äfğanstanğa barıp Bush prezident Karzaiğa ışanıç belderde.
Washingtondağı Cato institutında saqlanu häm tışqı säyäsät belgeçe Ted Carpenter süzlärençä, terrorğa qarşı köräş turındağı süzlär Möşärräf öçen yañalıq bulmayaçaq, läkin Bush, Hindstanğa säfär qılıp, anıñ köndäşe, Paqstanğa barmıy buldıra almıy, bigräk tä xäzer, andağı oppozitsiäneñ basımı köçäygändä. Bush Möşärräfne Paqstan çigendäge Äl-Qaidäçe törkemnärne yuq itergä çaqıraçaq, tik çaqıru ber närsä, näticägä ireşü – ikençe, dide Azatlıqqa birgän äñgämäsendä Ted Carpenter. "İslamabad xakimiäte ber qayçan da näticäle bulmadı. Bu Möşäräffkä genä qaramıy, Paqstannıñ bar tarixı şul. Bu töbäktä üzidarä köçle, häm dä qäwemnärneñ kübese Äl-Qaidägä dustanä mönäsäbättä. Şuña kürä dä Äl-Qaidä Äfğanstanda irken xäräkät itä. Amerikan köçläre qızdıra başlasa, alar çik aşa ütep Paqstanğa çığa", dide ul.
Säfärgä çığar aldınnan Bush Hindstan häm Paqstan citäkçelären Kaşmir mäsäläsen xäl itergä çaqıraçağın äytkän ide. Qayber küzätüçelär Bushnıñ ömetlären nigezsez dip atadı. Ämmä Carpenter süzlärençä, soñğı waqıtta Möşärräfneñ Kaşmirdağı islamçılardan küñele qayta başlağan. Bush şuşı forsatnı faydalanıp, Kaşmir suğışçıların Äl-Qaidä belän bäyläp, Möşärräfne, alarnı bastırırğa öndi ala. Şul uq waqıtta, Carpenter süzlärençä, ul Möşäräffkä basımnı yomşaq itep yasarğa tırışaçaq. Ni genä äytmä, soñğı yıllarda Paqstan belän Hindstan arasında kierenkelekneñ kimüe belän Bush qänäğät, häm anı tağı da kimetü öçen qulınnan kilgäne eşlärgä tırışaçaq.
Ali Gilmi
Bush Hindstan belän atom ölkäsendä ireşelgän kileşüne uñış dip atadı. Anıñ süzlärençä, xäzer Hindstan atom qoralı belän eş itüdä cawaplıraq bulaçaq, östäwenä, neftkä azraq bäyle bulaçaq, bu isä dönyada neft bäyäseneñ dä kimüenä kiteräçäk. Çärşämbedä kötmägändä Äfğanstanğa barıp Bush prezident Karzaiğa ışanıç belderde.
Washingtondağı Cato institutında saqlanu häm tışqı säyäsät belgeçe Ted Carpenter süzlärençä, terrorğa qarşı köräş turındağı süzlär Möşärräf öçen yañalıq bulmayaçaq, läkin Bush, Hindstanğa säfär qılıp, anıñ köndäşe, Paqstanğa barmıy buldıra almıy, bigräk tä xäzer, andağı oppozitsiäneñ basımı köçäygändä. Bush Möşärräfne Paqstan çigendäge Äl-Qaidäçe törkemnärne yuq itergä çaqıraçaq, tik çaqıru ber närsä, näticägä ireşü – ikençe, dide Azatlıqqa birgän äñgämäsendä Ted Carpenter. "İslamabad xakimiäte ber qayçan da näticäle bulmadı. Bu Möşäräffkä genä qaramıy, Paqstannıñ bar tarixı şul. Bu töbäktä üzidarä köçle, häm dä qäwemnärneñ kübese Äl-Qaidägä dustanä mönäsäbättä. Şuña kürä dä Äl-Qaidä Äfğanstanda irken xäräkät itä. Amerikan köçläre qızdıra başlasa, alar çik aşa ütep Paqstanğa çığa", dide ul.
Säfärgä çığar aldınnan Bush Hindstan häm Paqstan citäkçelären Kaşmir mäsäläsen xäl itergä çaqıraçağın äytkän ide. Qayber küzätüçelär Bushnıñ ömetlären nigezsez dip atadı. Ämmä Carpenter süzlärençä, soñğı waqıtta Möşärräfneñ Kaşmirdağı islamçılardan küñele qayta başlağan. Bush şuşı forsatnı faydalanıp, Kaşmir suğışçıların Äl-Qaidä belän bäyläp, Möşärräfne, alarnı bastırırğa öndi ala. Şul uq waqıtta, Carpenter süzlärençä, ul Möşäräffkä basımnı yomşaq itep yasarğa tırışaçaq. Ni genä äytmä, soñğı yıllarda Paqstan belän Hindstan arasında kierenkelekneñ kimüe belän Bush qänäğät, häm anı tağı da kimetü öçen qulınnan kilgäne eşlärgä tırışaçaq.
Ali Gilmi