Accessibility links

Кайнар хәбәр

İran urannı bayıtudan tuqtamayaçaq


Xalıqara atom energiäse idaräse bügen Venadağı utırışında İrannıñ atom mäğlümätläre näticälären Berläşkän millätlär oyışmasınıñ iminlek şurasına tapşıru mäsäläsen tikşerä. İran wäkile Ali Laricani kiñäşmä aldınnan anıñ ile urannı bayıtu eşennän tuqtamayaçaq dip belderde. AQŞnıñ Berläşkän millätlär oyışmasındağı wäkile John Bolton, İrannıñ bu yünäleşe citdi sözemtälärgä kiterergä mömkin dip kisätte. İrandağı wazgiät turında xisapnı citäkçelekkkä tapşıraçaq xalıqara atom energiäse idaräse başlığı Moxämmät Äl-Baradey: “İran oçrağı bik tä üzençälekle bulu säbäple, bu eştä maksimum açıqlıq kiräk. İran küpmeder däräcädä açıqlıq kertte, läkin bu äle citärlek tügel” dide. İran prezidentı Mäxmüt Äxmädinicad Xalıqara atom energiäse idaräsen, anıñ ile atom programması xoquqına iä bulırğa layıqlı il dip tanırğa çaqırdı.
XS
SM
MD
LG